أطلت الفنانة السورية نسرين طافش، كضيفة ببرنامج “لايت شو”، المعروض على قناة الحياة، وخلال الحلقة تحدثت نسرين عن العديد من الأمور المتعلقة بحياتها الشخصية ومواصفات الرجل الذي ترغب في أن يكون زوجها.
وقالت نسرين طافش إن هناك عدة شروط لابد أن تتوفر في الرجل الذي ترتبط به، أهمها النضج والوعي والتوازن فضلًا عن الكرم.
وعن توفر صفة خفة الظل به قالت “نسرين”، إن هذا آخر ما يشغلها: “الراجل اللي يضحكها”.
وأضافت نسرين: “المادة طبعا بتلعب دور مهم منضحكش على نفسنا ونقول شعارات مثالية، أنا مؤمنة ان لو فيه فروقات مادية كبيرة بين الطرفين هيحصل شرخ وهيحصل مشاكل”.
وتابعت نسرين”: “أنا بعتبر في العلاقة إن الرجالة هما اللي لازم يصرفوا وهما اللي ليهم القوامة، الراجل هو اللي بيأسس العيلة مش الست، وأنا مش مع فكرة ان الست تساعد الراجل في المصروف، لأ الست محترمة ليها قيمتها في بيتها مع عيالها والراجل لازم يبقى مسؤول عن كل حاجة”.
وأضافت: “عندنا في سوريا الراجل هو اللي بيجيب كل حاجة من جهاز وخلافه، والراجل الصح بيبقى مستمتع وهو بيصرف على بيته، اكيد الجانب المادي مهم بس مش هو كل حاجة في العلاقة”.
وتحدثت نسرين طافش عن نفسها قائلة: مثلا أنا انسانة ناجحة ومعيشة نفسي في مستوى اجتماعي معين مينفعش أخد واحد اصرف عليه، مش هتبقى صح وهتبقى إهانة ليه كراجل”.
ومن ناحية أخرى، شاركت نسرين طافش مؤخرًا في مسلسل “الوجه الآخر”، بطولة ماجد المصري، مادلين طبر وندا موسى وأحمد سلامة وأحمد سعيد عبدالغني، فكرة ماجد المصري، سيناريو وحوار فداء الشندويلي وإخراج سميح النقاش.
