خاص- الإمارات نيوز
وجه المنتج والممثل محمد محمود عبد العزيز، نجل الراحل محمود عبد العزيز، رسالة مؤثرة للساحر، وذلك بعد حلول شهر رمضان المبارك الأول بدون والده.
ونشر “محمد” عبر حسابه الشخصي على موقع “إنستغرام” صورة تجمعه بالراحل معلقًا عليها:” كل سنة وحضرتك طيب وبخير يا أبويا وصاحبي وأخويا وكل ما ليا، أول مرة فحياتي ماتكونش معايا وقدام عنيا طول المدة دي بس برضه كل سنة وحضرتك طيب لأني حاسس أنك بخير وفي مكان أحسن من اللي احنا فيه بكتير”.
وأضاف :”وعايز اهدي لحضرتك كل حاجة بعملها سواء إنتاج أو تمثيل أو أي حاجة كويسة ممكن اعملها وتبسطك وأي خير بعمله أو بحاول اني أعمله زي ما حضرتك علمتني والسنادي بهدي حضرتك صيامي وكل ركعة وكل حرف هقرأه من المصحف الشريف اللى حضرتك ماكنتش بتسيبه”.
واختتم :”ربنا يتقبل مني ويقدرني وابقى ربعك في أي حاجة رمضان كريم كل سنة وحضراتكم جميعا بألف صحة وسلامة وخير وربنا يريح قلوبكم ويشفي كل مريض ويرجع كل بعيد ويصبر أي واحد موجوع ويهون علينا جميعا يا رب بحق الشهر الفضيل”.
ورحل عن عالمنا النجم الكبير محمود عبد العزيز، في نوفمبر عام 2016 عن عمر يناهز 70 عاما، بعد صراع طويل مع المرض، ودفن بمسقط رأسه بمدينة الإسكندرية.
