شيماء محي _ الإمارات نيوز
لن يفوت الفنان محمد محمود عبد العزيز، الاحتفال بعيد ميلاد والده الراحل محمود عبد العزيز، واحتفل عبر حسابه الشخصي على موقع “إنستقرام” صورة تجمعه بوالده في مراحل عمره.
وعلق “محمد” على الصورة قائلا “يوم ٤-٦-١٩٤٦ هو يوم عيد ميلاد حضرتك، وزي كل سنة لازم أكون أول واحد يقول لحضرتك كل سنة وحضرتك طيب وبخير يا حاج، كان نفسي أكون جنبك وأبوس راسك زى ما دايما بعمل، ياريته كان بإيدى”.
وأضاف “انا متأكد أن حضرتك إن شاء الله في أحسن حال، يا رب أكون عند حسن ظن حضرتك ويا رب تكون راضي عنى ويا رب تكون الهدايا بتاعتي بتوصل لحضرتك، وربنا يقدرنى انى أكون سبب يخلى حضرتك فرحان ومبسوط في مكانك الطاهر النضيف”.
وتابع: “مش قادر أقول لحضرتك وحشتني علشان والله العظيم اللي أنا حاسس بيه أكبر من كده بكتير لدرجة انى مش لاقيله وصف، حتى كلمة بحبك بقا الإحساس اللي جوايا لحضرتك أكبر منها بكتير اوى، اللي مصبرنى انى متأكد إن حضرتك في مكان أحسن بكتير من اللي احنا فيه، كل سنه وحضرتك طيب وإن شاء الله نتقابل قريب وأتمنى يوم ماجيلك يكون مكاني جنب حضرتك. (لا إله الا الله سيدنا محمد رسول الله).
وتمنى قائلا: “اتمنى ان تشاركوني في إرسال هديتي لوالدي العزيز الغالي بالدعاء له والترحم عليه، لكم منى جزيل الشكر، (أسألكم الفاتحة والدعاء لأبويا ولأمواتنا جميعا)”.
ونشر الفنان الشاب كريم محمود عبد العزيز، عبر حسابه الشخصي على موقع “إنستقرام” صورة تجمعه بوالده وهو يقبل يده وعلق عليها قائلا ” ٤-٦ أهم يوم، كل سنه وحضرتك طيب، يا صاحبي وأخويا وإبني وأبويا”.
