أعربت الفنانة السورية أصالة عن مدى قسوة اللحظات التي عاشتها خلال الساعات الأخيرة، بعدما تم إلقاء القبض عليها في مطار بيروت بتهمة حيازة المخدرات.
ونشرت الفنانة السورية صورة لها عبر موقع الصور إنستغرام، وعلقت عليها معبرة عن سعادتها بمحبة جمهورها وثقته بها قائلة: “على قد ما كانت الساعات الطويلة الماضية قاسية وصعبة علي، قد ما فرحت بالمحبّة وبالاهتمام وبالثقة اللي غمرتوني فيها”.
وأضافت أنها لم تعتد أبدا الرد على مثل تلك الأشياء ولكن ثقتها بنفسها وحرصها على أمن وأمان عائلتها هو ما دفعها لذلك موضحة: “ما تعودت بحياتي فسر أو وضح أو كون بمطرح المتهم، مو بس لثقتي بنفسي بل لأني ومن عمري ست سنين وأصغر وأنا بين الناس وكتار كتير اللي اهتموا فيني، وكتار كتير اللي أضافوا لي وعلموني”.
وتابعت: “لا أبالغ لو قلت إني بحس بمسؤولية التعبير حتى فيما له بالغ الأثر على أماني وأمان عائلتي، لأني ضمير ها الناس اللي ما بيقدر صوتهم يوصل، طبعا مرات بندم وبقول شو كان بدي بها التعب، بس الأكيد إني خلقت لكون متل ما أنا”.
وشددت الفنانة السورية على حبها لبيروت ولشعبها قائلة: “بيروت حبيبتي وتوأمي والناس اللي فيها بتساعدني وبتحبني أكتر بكتير من غيرهم، أنا بحس حالي خلقت فيها وبعشق كل ذره من ترابها، وما رح أزعل منها كتير لأنه مالها ذنب”.
وتوجهت بالشكر لكل من ساعدها وساندها من المسؤولين اللبنانيين قائلة: “شكرا لكل اللي ساندوني وساعدوني من كبار ها الدولة اللي بيتعذبوا أكتر مني ليضلوا كبار”.
واستطردت: “وصلت اليوم بيتي تعبانة شوي ومصدومة شوي ومقهورة شوي، بس كمان عندي أمل بالضمير وخصوصا لما قريت بعض الرسائل لمن لا تربطني بهم مودة ومع ذلك نفوا عني ما أشيع، والحقيقة ها الشي فرحني متل ما فرحت بالكم الهائل من المحبة والاهتمام اللي خف عني شعور الظلم اللي مارح أتعود عليه”.
ولفتت إلى الصحفيين الذين استغلوا الواقعة للإساءة إليها قائلة: “ما في شيء اسمه صحافه صفرا، بس فيه ناس صفرا بيشتغلوا صحافة، وكلامهم أنتوا رديتوا عليه، وما لحق يجرحني، وسؤالي إلهم ليش لازم كون متهمة وملوثه ليكتب قلمكم عني؟ ممنوع كون حرة؟ ممنوع طالب بالعدل؟ ممنوع كون بشر متل البشر اللي خلقهم الله ليكونوا جنب بعض؟”.
واختتمت رسالتها قائلة: “أملي ببكرة أحلى كبير، وأملي حتى بالضمير اللي مات يصحى كمان مازال موجود، وأنا كتبت لطمنكم إني قدوة ووفية لثقتكم ومعكم عم بستنا العدل يسود، ومعكم عم كافح لنكون أحرار، ورح أرجع بيروت لما بتشتقلي، وتحميني قبل ما تظلمني”.
كانت سلطات الأمن اللبنانية قد أحالت المطربة السورية أصالة نصري وزوجها المخرج طارق العريان، إلى مقر التحقيقات، بعدما تم توقيفها في مطار بيروت يوم الأحد للاشتباه في حيازتهما كمية من مخدر “الكوكايين”.
