خاص _ الإمارات نيوز:
كشفت الفنانة إسعاد يونس، عبر حسابها الشخصي على موقع التواصل الاجتماعي “فيسبوك”، أنها تلقت اتصالا هاتفيا من الزعيم عادل إمام، طالبها فيه بتغير اسمها من إسعاد يونس إلى إسعاد مصر، بعد أن أبدى إعجابه الشديد ببرنامجها “صاحبة السعادة” الذي تقدمه على قناة “سي بي سي”.
وسردت “إسعاد” تفاصيل الحوار الذي دار بينها وبين الزعيم كالآتي:
وكتبت: “الموبايل بيرن
إيه النمرة دي؟
ده الأستاذ، والنعمة هو، الزعيم عادل إمام بذات نفسه، يا حلوللي
– آلو، معقولة؟ التليفون نور يا زعيم
– يا إسعاد
– نعم يا أستاذ
– أنا عايزك تغيري اسمك
– أنت تؤمر يا أستاذ يا حبيبي، أخليه إيه؟
– تخليه إسعاد مصر
– يا رب يخليك يا حبيبي “مخضوضة وصوتي بيحشرج بالعياط”
– بتكلم بجد، أنتي ما بقيتيش إسعاد يونس، أنتي بقيتي إسعاد مصر
– “عياط”
– أنا ما بفوتلكيش حلقة يا إسعاد، أنتي بتسعديني وبتسعدي مصر كلها
بقية الكلام جميل ورائع ومختلط بدموعي بجد، يا حبيبي يا حبيبي يا حبيبي، مش عارفة أقول حاجة غير كده، ومش عارفة أقول حاجة تاني لحد دلوقتي، كبيرة منك يا كبير، ربنا يخليك ليّ ويبارك في كل لحظة في عمرك، بحبه يا ناس حب بحجم موهبته وكاريزمته وصموده وبكل دقيقة من سنين العشرة الطيبة الجميلة”.
يذكر أن سعاد يونس، شاركت عادل إمام في عدد من الأفلام في بداية مشوارها الفني ومنها “شعبان تحت”.
“صاحبة السعادة” برنامج حواري ترفيهي، يلقي الضوء على مجموعة من القضايا سواء الاجتماعية أو الثقافية أو الفنية، ويجمع دائما بين الماضي والحاضر، وحقق نسب نجاح كبيرة جدا على مدار سنوات متتالية.
