وجه الشاعر المصري بهاء الدين محمد، عبر حسابه الشخصي على موقع التواصل الاجتماعي “فيسبوك”، رسالة للمطربة شيرين عبد الوهاب، مطالبها بالتوقف عما يصدر منها من إساءات ضد الهضبة عمرو دياب.
وكتب “بهاء”: “عزيزتى شيرين عبد الوهاب، أنتِ عارفة أنا بعزك قد إيه ودافعت عنك كتير، وفي نفس المكان اللى دافعت عنك فيه لحظة خلافك مع الفنان الملحن عمرو مصطفى، لازم دلوقت أقولك لأ وكفاية وصمت”.
وأوضح: “لأن عمرو دياب كيان كبير ومن الصعب تكراره، ده غير أنه واجهة لينا وللوطن العربي كله، وحتى لو حصل خلاف معاه لازم يكون بشكل لائق وغير معلن، لأننا بالفعل عمرنا ما سمعناه ولا شوفناه بيغلط في حد أو زميل ده غير إن محدش فاهم ولا عارف هو عملك إيه، ودي المشكلة”.
وتابع: “وأنتِ والكل عارفين إني أكبر وأصدق من إني أجامل أو أنافق حد فيكم، علشان كده لازم أقولك كفايه يا شيرين، وخلى بالك وماتخسريش جماهيره اللي تجاوزت 90 % من المجتمع العربي ويمكن أكتر، والمطلوب منك الصمت لأن الوقت مش وقت اعتذار”.
وكانت شيرين، صرحت في المؤتمر الصحفي الذي سبق حفلها الذي أحيته ضمن فعاليات مهرجان قرطاج الدولي بتونس في دورته الـ53، بتعمدها الإساءة للهضبة عمرو دياب خلال حفل زفاف عمرو يوسف وكندة علوش.
كما هاجمت “شيرين”، الهضبة مرة أخرى في مدخلة هاتفية مع الإعلامي عمرو أديب في برنامجه “كل يوم”، حيث قالت: “إذا كان هو هضبة فأنا هرم طالما الأمر ألقاب”.
