تعرض المؤلف والسيناريست المصري تامر حبيب، لحملة من الانتقادات بعد دفاعه عن الفنانة شيرين عبد الوهاب التي تعرضت لهجوم شديد، بسبب ما صرحت به في حفلها الأخير بمهرجان قرطاج بتونس.
وعلق “حبيب” عبر حسابه الشخصي على موقع “فيسبوك”، وكتب: “من ساعة ما كتبت پوست بقول أني مش شايف إن شيرين عبد الوهاب غلطت خالص في دعابتها في قرطاچ وهي علي المسرح وأنا بيجيلي رسايل من ناس بتشتمني والغريب ان كلهم بيقولولي يا حرامي السيناريوهات وكإنهم حافظين المصطلح سوا”.
وأضاف :”وكلهم برضه بيقولولي عمرو دياب سيدك أنت وشيرين، طبعاً أنا باحاول أكون مؤدب ومانقلش كلامهم وشتايمهم اللي هما قايلينها، طيب هو انا جبت سيرة عمرو دياب من قريب أو من بعيد ؟ انا شخصياً بأحب الراجل ومن جمهوره من قبل ما حضراتكم تتولدوا”.
واختتم :”واللي يعرفني عارف كده كويس و أولهم عمرو دياب نفسه جميل إنكم تتحمقوا عشان خاطر نجمكم الكبير قوي، واللي هو اكيد اكبر واكثر احتراماً من سبكم والفاظكم النابية، بس الاجمل ان يكون عندكم مخ وتمييز الاول”.
وكان قد نشر “تامر” مقطع فيديو عبر حسابه الشخصي على فيسبوك مدافعًا من خلاله عن شيرين قائلًا :”بالذمة اللي قالته ده فيه ايه يا ناس يا تافهين يا غلاويين ياللي مابتصدقوا جنازة وتشبعوا فيها لطم وبعدين ماهم صحاب الشأن بالألوفات قدامها اهم وضحكوا واتبسطوا واستمتعوا و اتطربوا ايه القرف ده”، مما عرضه للانتقادات والهجوم من قبل الجمهور.
