متابعة- بتول ضوا
عقب هجوم نقيب المهن الموسيقية الفنان هاني شاكر على مؤدي المهرجانات حمو بيكا في مؤتمر صحفي، والذي أوضح خلالها أن نقابة الموسيقيين منحت حمو بيكا أكثر من فرصة للحصول على عضوية النقابة لكنه لم يلتزم.
من جانبه لم يلتزم حمو بيكا الصمت بل خرج ليرد على نقيب الفنانين، عبر بث مباشر على حسابه على إنستغرام كاشفاً إنه تقدم بكل الأوراق المطلوبة للحصول على كارنيه نقابة المهن الموسيقية، مؤكداً أن كل أوراقه التي تقدم بها للنقابة سليمة، لكن الاختبارات التي تقدم لها كانت تحمل شروطاً تعجيزية
كما وأضاف في جانب آخر «كل إخواتي وحبايبي كلمتين لقيت ندوة كبيرة معمولة، فيها فنانين، واحد اسمه تامر عبد المنعم، وقال مش هتكلم غير لما الناس تنزل من على المسرح، المكان اللي عليه الندوة اسمه المنصة متقولش مسرح أنت مش واقف تغني».
وأضاف: «أنت بتتكلم باسم مصر، أنا مصري وبحمل هوية مصرية، وعندي ولاء أكتر منكوا في البلد دي، البلد فيها قانون وهناخد حقنا بالقانون، ملكش أنك تمنعني، وفيه تصريح طالع من عندهم أننا نغني خارج مصر ليه؟، البلد فيها حرية».
وتابع: «احنا بنطلع بره بنتكرم انتوا بتحرمونا بالإهانة والشتيمة والبهدلة، ارحمونا شوية احنا عملنا ايه لكل ده، قدمت أوراقي كاملة لنقابة المهن الموسيقية للحصول على العضوية، وطلبوا مني في اللجنة الغناء لـ«أم كلثوم» وحليم.
ليه بتحصرني في الحتة دي، أنا راجل بغني مهرجانات وداخل لك بجمهوري اللي بيحبني وبيحب فني، احنا في 2021، زي ما سمعناكم اسمعونا وحبونا وحبوا فننا.
وقد لاقى الفيديو دعم كبير من قبل جمهوره حيث قال أحد المتابعين: «ربنا معاك يا حمو، أنت سالك وربنا هيكرمك»، وأضاف آخر: «أنا واحد من الناس مش بسمعك كتير بس أنت عندك حق، كل واحد حر يسمع مين وميسمعش مين».
وأضاف حساب آخر: «المفروض تدوهم فرصة أكبر من كده عشان الناس دي محبوبة جداً»، وتابع آخر: «الصراحة وجعني الحق يقال غيرانين منهم عشان محبوبين وعملوا فلوس».
https://www.instagram.com/tv/CWqR0vMhL2A/?utm_source=ig_web_copy_link
