محمدالجبارة-الإمارات نيوز
عبرت الفنانة هبة الدري عبر حسابها بموقع التواصل الاجتماعي “سناب شات”، عن حزنها وعزائها للفنان القدير الراحل عبدالحسين عبدالرضا الذي وافته المنية يوم الجمعة الحادي عشر من أغسطس.
وقالت “الدري”: “مشتاقة لكم وايد وادري كنت مقصره معاكم لكن انتو عارفين الظروف ووايد شكرا من القلب لكل الناس اللي وقفت معانا وعزتنا وعزت أسرة الفقيد العم بوعدنان الله يرحمه ويغمد روحه الجنة ولا اركم الله اي مكروه في عزيز، وشكرا على وقفتكم وعلى سؤالكم . وايد ناس يسالوني وخصوصا رفيجاتي انه شنو ردة فعلك في اللي قاعد يصير بسوشيال ميديا انا شكو انا خل تصير لي ردة فعل على نفسي عشان اسوي ردة فعل اللي يصير بسوشيال ميديا مالي شغل باحد هذا سوا هذا حط كيفهم الناس كيفهم يعني ليش الناس يسالوني”.
وتابعت: “شنو بيقدم وبيأخر شيء رائيي ولا شيء انا علي من نفسي علي من رائيي على من إصلاح ذاتي مو بصلاح الأخرين انا مالي شغل باحد المقصد من هذا انه كل واحد يكون مسؤول عن نفسه محد حط احد وصي على الثاني الناس قامت تسوي نفسه وصي وولي على الثاني هذا الشيء غلط كل واحد حر بنفسه كل واحد يسوي اللي يبيه محد بيتحاسب عن احد ومحد بينحط بقبر احد كل واحد مسؤول عن تصرفاته وكل واحد لازم يقوم حياته يشوف شنو الثغرات ووين الاخطاء اللي بحياته ويصلحها مو انته تجي تصلح ولا انا راح اصلح حياتك يعني اشوف هذه مو شيء عادل ولاشيء سليم”.
وكانت آخر الأعمال الفنية للفنانة هبة الدري مسرحية شوبيز والتي عرضت بعيد الفطر المبارك على مسرح كيفان من تأليف جاسم الجلاهمة والاخراج بدر الشعيبي.
