وجهت الفنانة المصرية زينة، رسالة لوالد أبنائها الفنان أحمد عز، ووصفته بـ”الشيطان”، وذلك بعد إصدار محكمة استئناف الأسرة حكمًا برفض الطعن المقدم من “عز”، لبطلان ثبوت نسب الطفلين زين الدين، وعز الدين.
ونشرت “زينة” صورة لـ”عز” عبر حسابها الشخصي على موقع “إنستغرام”، موجهة من خلالها رسالة حادة له بعد خسارته القضية الأخيرة، وعلقت قائلة: “الحمد لله النهارده كانت آخر قضية رافعها علينا الشيطان، والحمد لله مايقدرش الشيطان يرفع أي قضية تاني الموضوع اتقفل نهائيا، ورفع علينا كل القضايا اللي ممكن تترفع والحمد والشكر لله ربنا كرمنا وخسر كل القضايا”.
وأضافت: “الشيطان ده قبل ماي خسر كل القضايا خسر نفسه اللي مش موجودة أصلا وضميره المعدوم، وحتى شكله اللي بقى استغفر الله العظيم، نصيحة ليكم إياكم والظلم إياكم والقسم بالكذب كلمة أقسم بالله بالكذب بتهز السموات”.
وتابعت: “بص يا شيطان كل القضايا اللي ينفع ترفعها خسرتها، كبيرك تتكلم في سمعة أم ولادك وأنت عارف بتقول كده بس ياريت تثبت كدبة علشان بتنسي كدبك وكل يوم بقصة”.
واختتمت حديثها برسالة شكر لمحاميها وكتبت: “شكرًا الأستاذ الكبير المحترم معتز الذكر المحامي اللي تعب معايا، خلاص ارتاح من قلقي والصداع اللي عملته، وأه ومبروك يا أستاذ معتز على قدوم القمر زينة الصغيرة، وربنا يكرمك ويخلي زينه وعبد الله، كملت مسيرة الأستاذ الكبير محمد الذكر الله يرحمه يارب، شكرًا الأستاذ عاصم قنديل المحامي الكبير اللي بعتبره واحد من أهلي، أنا تعبتك أوي يا أستاذ ربنا يخلي حضرتك”.
واعتذرت زينة لجمهورها عن “بشاعة” الصورة معلقة: “وأرجوكم سامحوني على الصورة دي، واعرفوا إنها مخوفاني أنا كمان والله للأمانة ما كان هو ده شكله، بس الظلم والقسم كدب بينزل غضب ربنا على أغلى حاجة عند الإنسان، وده أغلى حاجه عنده وشه، بعتذر على بشاعة المنظر، دي أحدث صورة للشيطان لقيتها في وشي معلش، وهاشيلها كمان شوية”.
