متابعة – نغم حسن
تعرض “مذيع الشارع”، أحمد رأفت للسرقة، مساء أمس الأربعاء، في مكان إقامته، حيث أقدم اللص على سرقة الحذاء الخاص به.
وقال أحمد رأفت، عبر فيس بوك: “إمبارح حرامي دخل العمارة اللي أنا ساكن فيها. وقعد يتسحب ويتلائم ويتخابث، وساب كل حاجة وسرق الجزمة بتاعتي. وساب جزمته على السلم، من باب التسامح والكرم. علشان لو جه ضيف يلاقي حاجة يروح بيها -حرامي شهم -. وأنا قررت إني هوجب معاه، وهعلق جزمته على باب العمارة. علشان لو حب ييجي ياخدها أي وقت يلاقيها، مجني عليه شهم أوى”.
وتابع أحمد رأفت: “أنا عندى سؤال، أنا مركب كاميرات المفروض الحرامي الطبيعي يخاف منها. إيه اللي يخليك تبص للكاميرا، وتقرب منها، وتروح قصادها يمين وشمال. وتتصور 360 درجة، وكأنك عروسة في frist look. أنا في لحظة اتهيألي إنك بتعمل تيك توك على أغنية أنا مش شايف فيكم حد”.
