خاص – الامارات نيوز:
نشرت الفنانة أصالة، عبر حسابها الشخصي على موقع “إنستغرام”، صورة كشفت من خلالها عن أهم التغيرات التي طرأت على شخصيتها على مدار مسيرتها الفنية.
وعلقت “أصالة” :”كلّ يوم بنعيشه هوّه عمر جديد، ولو ماحسّيناه عمر جديد ولو ماعشناه كعمر جديد، حيصير اليوم متل مبارح ومتل بكرة أنا بكلّ لحظه بحمد ربّي إنّي قادره عيش كلّ يوم عمر جديد، بتغيّر وكأنّي نسيت شو كنت بالعمر اللي مضى وبتمسّك بتفاصيلي الصغيره وبفصّلها، وطبعاً بغلط بأشيا كتير بكلّ يوم جديد بس بحاول ماكرّر نفس الخطأ، وحتّى لمّا بغلط نفس الغلط، بتكون ردّة فعلي غير اللّي فاتت، ببساطة لأنّي نسيت شو عملت بالعمر اللّي مضى”.
وأضافت :” كلّ يوم جديد نحنا جداد، وبدنا نعيش التجارب كلّها حتّى الّلي تكرّرت، بكلّ مافينا من سعاده وأمل وحبّ وصدق مشاعر ، وبيضّل الزعل أصغرلأنّنا ماتركناله مجال ليكبر لو بدنا نعيش العمر كلّه مرّه ونجمّع الحزن والغدر والقهر حتّى الفرح والنجاح والبديع من المحبّة، والخلاصة من الحظ والرفقه الوفيّة، حتّى لو كانت السعادة بأغلب الأوقات والسكينة ببعض الأوقات والخوف والتمرّد”.
وتابعت: “لوعشنا كلّ الّلي قلتلّه بعمر واحد، رح يفقد كلّ شعور من اللي قلتن، لمعة الروح بأوّل شعور، حتّى كسرة القلب لأوّل مرّه، دوا روحنا في بتجدٌدها، وجربوا تعيشوا بشي يوم هاليوم كأنّه عمر جديد سامح حتّى لو مانسيت، كرمال روحك تحسّ إنّّه فيها قلب بينيض بكلّ يوم جديد”.
واختتمت: “ملاحظة : (رفيقي القريب باسم تركاوي بيضلّ يطلب منّي أكتب شي يفهمه وبحبّ قلّه إنّي أنا نفسي مابفهم الّلي بكتبه فضفضة بحكي مع حالي”.
وطرحت الفنانة أصالة عبر قناتها الرسمية على موقع “يوتيوب” أحدث ألبوماتها الغنائية، وهو “مهتمة بالتفاصيل”، والذي يضم 13 أغنية.
