هبة منصور – الإمارات نيوز:
نشر الفنان تامر حسني عبر حسابه الرسمي على موقع “إنستجرام” صورة قديمة تجمعه بالفنان الكبير عادل إمام في إحدى المناسبات.
وعلق “تامر” على الصورة قائلًا: “إني أضحّك الزعيم بالشكل ده يبقى أنا مش سهل ولا موآخذاااااا حبيبي يا زعيم يارب دايمًا فرحان كده مفيش أي سبب لنزول الصورة غير إني شفتها بالصدفة وافتكرت يوم ماشوفت الأستاذ عادل وأنا لسه في أول طريقي وطبعًا مكنتش مصدق إني واقف معاه من كتر ما بحبه”.
وأضاف: “قالي افتكر كلامي كويس يا تامر أنا بحبك وهتنجح وهتوصل لأحلامك.. والصورة دي وأنا في نص مشواري وكانت في فرح بغني فيه وكان فيه فنانين كتير محدش فيهم قام يسلم أو يفرح معانا إلا هو الوحيد اللي قام وجالي وفضل يهزر معايا وأهزر معاه وبصراحة فرحت عشان عرفت أضحكه بالشكل ده ومال عليّ كده وقالي افتكر كلامي وحضني زي ابنه حسيت بس أني عايز أقولكم أني بحبه جدًا”.
