وجه المنتج والممثل محمد محمود عبد العزيز، نجل الراحل محمود عبد العزيز، رسالة مؤثرة لـ”الساحر” في ذكرى وفاته الأولى.
ونشر “محمد” صورة لوالده عبر حسابه الشخصي على موقع “إنستغرام”، معلقًا عليها: “فاتت سنة وطول السنة وأنا بفتكر وبكتب وانفذ كل حاجة حضرتك علمتهالي علمتني كل حاجة ولسه بتعلم من حضرتك كتير، علمتني إزاي ابقى راجل وليا كلمة”.
وأضافت: “علمتني إزاي اعتمد على نفسي وماستناش حاجة من حد، علمتني إني في عز الأزمة أقول يارب، وعلمتني إزاي اساعد أي حد محتاج من غير ما اجرحه، علمتني إن مش كل حاجة بتتحكي حتى لو كانت كويسة”.
واستكمل: “علمتني اني لما اعمل حاجة خير ولوجه الله اعملها في السر، عشان ربنا يتقبل ويبارك ربنا يعلم اني بحاول اعمل كل اللي حضرتك عملتهولي في كل حاجة واتمنى تكون الهدايا بتاعتي بتوصل لحضرتك ومفرحاك ومريحاك وفايداك”.
وعبر عن حزنه الشديد قائلًا: “كلمة واحشني كنت بقولها لحضرتك وأنت معايا وقدام عينيا دلوقتي بقيت أكبر مشاكلي إن حضرتك مش معايا، وكلمة واحشني مبقالهاش معنى ومبقتش لاقي لإحساسي تفسير ولا اسم”.
واختتم: “علمتني كل حاجة إلا إنك متوحشنيش، الحمد لله على كل حال واللهم لا اعتراض ورضيت بقضاء الله أسألكم الفاتحة والدعاء لأبويا ولكل من رحلوا عنا”.
ورحل عن عالمنا النجم الكبير محمود عبد العزيز، في نوفمبر عام 2016 عن عمر يناهز 70 عاما، بعد صراع طويل مع المرض، ودفن بمسقط رأسه بمدينة الإسكندرية.
