هبة منصور – الإمارات نيوز
تضامنت الفنانة السورية تولين البكري مع ابن بلدها الفنان سيف الدين السبيعي بعد أن صرح بأن قرار اعتزال الفن والإخراج بات قريبا.
وكتبت البكري عبر حسابها الرسمي على موقع التواصل الاجتماعي “فيس بوك “تحت وسم بعنوان “#_لا_تعتزل_ ياسيف” أطلقه النشطاء في سوريا تضامنا“ معه “أنا معك بأنك تاخد وقفة محارب قَرر يرتاح ليبدأ من جديد بمعطيات أفضل، وأنا كمان فكرت كتير بالاعتزال بظل هالظروف الغلط يلي مابدي فوت بتفاصيلها، المهنة صارت بهالبلد زباااالة بس ماعندي حل تاني حاليآ! وأول ما أقدر أمن لقمة عيش من غير هالمهنة رح اتركها بغير أسف”.
وأضافت: “أنها دارت ضهرا للناس يلي بتحبها وبتستحقها ولحقت الرخص بكلشي متل ما كتير مواهب من خريجين وأكاديميين ونجوم قاعدين بالبيت من سنين، وغيرهم من الفقاعات عم يشتغلوا بس مو ليقدموا فن ليقدموا كلشي إلا الفن وهاد الحكي مابيشمل الكل بس المنيح مابيخبي حالو متل السيء كمان واضح للعيان ،وإذا أنت وغيرك من الفنانين الحقيقيين قرروا يعتزلوا لمين تركتو الساح”.
وتابعت: “هاد واقع ماعاد يتخبى ولكن!.. الفن الحقيقي بحاجة لموهوبين حقيقيين متلك مو بالضرورة كون من التيْم تبعك لأمدحك انا مع الصح بكل الاحوال وبحب شغلك متل كتير ناس وانت من الناس يلي قدموا فن حقيقي بهالبلد ترفع له القبعة”.
وصرح الفنان سيف الدين السبيعي لجريدة “الأخبار” بأن قرار اعتزال التمثيل والإخراج يقترب من حيز التنفيذ أكثر.
