متابعة – لجين اسماعيل :
بعد هزيمة نادي ليفربول نهائي دورى أبطال أوروبا أمام ريال مدريد. وجه النجم “محمد هنيدي” رسالة، لمن يقلل من قدر النجم “محمد صلاح” لاعب ليفربول الإنجليزي ومنتخب مصر.
وكتب قائلا: “عارف لما بتبقى بتلعب بلاعب فى البلاي ستشين. وفجأة تلاقيك بتنافسه أو اللاعب بعد ما اعتزل. بيحلل أداءك في التلفزيون وبيوصفك بالأفضل في منطقتك في العالم”.
وتابع: “عشان كدة بقى عايز أقول حاجة، بقالي فترة بشوف “بعض” الشباب. اللي بيحاول يسخر أو يقلل من صلاح. يمكن يكونوا مابيحبوش صلاح أو بيشجعوا فرق منافسة. من حقك ماتحبش صلاح وحقك تحب فريق منافس وتشجعه. بس الفكرة ليه تقلل أو تكره واحد قدر يعمل اللي ملايين كانوا بيشوفوه مستحيل”.
وأضاف: “صلاح اللي كان بيسافر بالقطار كل يوم وينام فى النادي على الأرض. وبدون واسطة قدر يصنع نفسه من الصفر. لغاية لما وصل أنه بقى ينافس على الأفضل فى العالم. صلاح زينا وشبهنا، ماتولدش فى بقه معلقة دهب. وقدر يكون مثال لأي واحد بيتعب وشايف أن حلمه وهدفه مستحيل يتحقق”.
واستكمل: “صلاح مثال لأي شخص مجتهد وبيمر بظروف صعبة وحياة صعبة. مثال إنك تقدر مش بس تكون الأفضل في بلدك. تكون الأفضل فى العالم، الفكرة مش في الشخص الفكرة فى الفكرة نفسها. أن يكون عندنا شخص وأشخاص طبعا فى مجالات كتير تانية زيه. قدروا يحققوا اللي انت واحنا كنا شايفينه مستحيل. فالحب والتقدير لصلاح مش حب لشخص. حب لفكرة ونجاح، وهاردلك لصلاح”.
