مروة أحمد علي – الإمارات نيوز
كشف الفنان محمد رمضان، عبر صفحته الرسمية على موقع “فيسبوك” عن أزمته مع قنوات “أم بي سي مصر”، موضحا حقيقة الخلافات التي نشبت في الفترة الماضية حول مسلسل “نسر الصعيد”، والمقرر عرضه ضمن موسم دراما رمضان 2018.
ونشر “رمضان” مقطع فيديو، تحدث من خلاله إلى جمهوره قائلًا: “تعود عليكم الأيام بخير، باقي على رمضان 10 أيام، عامل الفيديو ده لجمهوري ولبعض الصحفيين المهتمين بالبيان اللي أصدره رئيس إحدى القنوات الخليجية في مصر، ده حق الرد”.
وأضاف: “الحقيقة ده بيان كاذب يدعي إني اخدت العربون وأن رئيس القناة طالبني بيه وأنا رفضت أرجعه، الكلام ده كله غير حقيقي، الحقيقة إني موّقع عقد مع شركة تابعة لمجموعة والشخص اللي أصدر البيان موظف فيها بيرأس إحدى قنواتها، أنا مش موّقع معاه عقود أنا موقع مع شركة، تم الاتفاق معاها إني هعمل في 2018 مسلسل مع العدل جروب، هيتم عرضه على “دي إم سي” في مصر وقنوات عربية أخرى”.
وتابع :”أنا عايز أوضح هذه الحقيقة إن الكلام اللي اتقال في حقي ده كلام كاذب والغرض منه الإساءة لسمعتي وللقناة اللي اشترت مسلسلي هذا العام، لأن مش ممكن تعرض مسلسلي وتاخده وهي عارفة إني على خلاف مع قناة أخرى دي مش أخلاقنا كمصريين، دي الحقيقة عشان الناس اللي وصلها البيان، ده حق الرد”.
واعتذر عن إيقاعه البطيء في الكلام بالفيديو، موضحًا أنه أصيب بحالة إعياء شديدة، نتيجة إصابته بتسمم أثناء تصويره المسلسل، قائلًا :””آسف على إيقاعي البطيء في الكلام كنت في حالة إعياء شديدة جدا، جالي حالة تسمم والحمد لله بتعافى وإن شاء الله نرجع نكمل تصوير المسلسل على خير 10 أيام وتشوفوا الحلقة الأولى”.
واختتم حديثه :”يارب ينال إعجابكم وأرفع راس القنوات اللي بيتعرض عليها مسلسلي زي ما رفعت راس القنوات اللي عرضت ابن حلال والقناة اللي عرضت الأسطورة وهي اللي يرأسها من ادعى كذبا عليا وهو رجل استفاد مني في يوم من الأيام وربنا عز وجل بيقول (ولا تنسوا الفضل بينكم)”.
ومسلسل “نسر الصعيد” من بطولة محمد رمضان إلى جانب درة، عائشة بن أحمد، دينا، عايدة رياض، محمد عز، يوسف عثمان، مؤمن نور، هاجر عفيفى، ومحمد حاتم، تأليف محمد عبد المعطي، إنتاج العدل جروب، وإخراج ياسر سامي في أولى تجاربه الإخراجية بالدراما التليفزيونية.
