مروة أحمد علي
وجه المنتج والفنان محمد محمود عبد العزيز، نجل الراحل محمود عبد العزيز، عبر حسابه الشخصي على موقع الصور والفيدوهات “إنستغرام”، رسالة مؤثرة لأبيه، وذلك لحلول شهر رمضان للمرة الثانية بعد وفاته.
وعلق “محمد” على الصورة التي تجمعه بوالده، قائلًا: “كل سنه و حضرتك طيب وبخير يا أبويا وصاحبى وأخويا وكل ما ليا، اتمنى تكون هدايايا بتوصل لحضرتك واتمنى إنى أكون مشرفك وربنا يقدرنى وأفضل مشرف حضرتك لحد ما ربنا سبحانه وتعالى يجمعنا ببعض على خير”.
وأضاف: “و زى السنه اللى فاتت وطول مانا لسه على وش الارض عايز اهدى لحضرتك كل حاجه بعملها، سواء إنتاج أو تمثيل أو أى حاجه كويسه بعملها وتبسطك أو أى خير بعمله زى ما علمتني”.
وتابع: “وبرضه بهدى لحضرتك صيامي وكل ركعه وكل حرف هقرأه من المصحف الشريف، ربنا يتقبل مني ويقدرنى وأبقى ربعك في أي حاجه”.
واختتم: “رمضان كريم، وكل سنه و حضراتكم جميعًا بألف صحة وسلامة وخير، وربنا يريح قلوبكم ويفرحها ويشفي كل مريض ويرجع كل بعيد ويصبر أي واحد موجوع ويهون علينا جميعًا بحق الشهر الفضيل، اسألكم الفاتحه و الدعاء لأبويا ولكل من رحلوا عنا)”.
يُذكر أن عن النجم الكبير محمود عبد العزيز رحل عن عالمنا في نوفمبر عام 2016، عن عمر يناهز 70 عامًا، بعد صراع طويل مع المرض، ودفن بمسقط رأسه بمدينة الإسكندرية.
