تعرض الشاب خالد لإصابة بالغة في القدم أثناء تصويره لإعلان رمضاني تابع لمؤسسة 57357، وكشف محمد فتحي، المستشار الإعلامي لـ57357 لعلاج سرطان الأطفال عبر حسابه الشخصي بموقع التواصل الاجتماعي “فيس بوك”، أن الشاب خالد أصر على استكمال تصوير مشاهد الإعلان رغم شعوره بالألم.
وقال فتحي عن الشاب خالد: “الأخلاق والتواضع اللي في الشاب خالد، واللي جه مخصوص متبرعا لتصوير (أغنية 57357) واللي أنتجتها شركة كابسي للدهانات، خالد رجله اتشرخت في بداية تاني يوم تصوير، تحامل على نفسه ورفض يروح المستشفى أو يؤجل، شاور على الاطفال، وقال: (“نبهم إيه يروحوا زعلانين يا خوي، أنا جاي أفرحهم يا خوي”.
وأضاف: “وصباح الضحك وخفة الدم واللعب وهو بيزك على رجله، ويرجع (الكارافان) يصرخ من الألم وياخد مسكنات، ليلة كاملة وهو بيتألم بينه وبين نفسه، ويطلع للأطفال يضحك ويتصور معاهم، لغاية ما خلص وراح المستشفى وجبس رجله”.
وتابع: “شكرا خالد، وجدع إنه لم يتردد زي ناس كتيرة وطلع من صورته النمطية اللي ممكن يهز فيها كتافه ويغنيها راي مع جاكيت جلد وجينز، فيبقى الناس كلها بتتكلم عن الصعيدي اللي غنى فرنساوي، والنجم العالمي اللي صور في “توك توك”، عشان خاطر أطفال 57357.
