أعلنت الإعلامية مي حلمي عن مفاجأة للجميع، بأن فرحتها ستعود مرة ثانية، وأنها ستخرج مع الفنان محمد رشاد للكشف عن كافة التفاصيل، مبدية غضبها من مروجي الشائعات بعد إلغاء حفل زفافها.
وقالت حلمي عبر حسابها الخاص على موقع التواصل الاجتماعي “فيسبوك”، “مش عايزة اتكلم في أي حاجة غير عن وجع كسرة الفرحة، ولا إعلام ولا ميديا ولا دنيا ولا مين شمتان ولا مين فرحان مش فارقلي … كلنا بندور على الفرقعة على السبق اللي يضرب بس لو هتكلم عن نفسي عمري ما هعمل كده وقت غياب فرحة حد ومش أي فرحه دي فرحه العمر زي ما بيقولوا ….. ازاي ؟ ازاي قدرتوا تعملوا كده لكل الناس وأولهم القريبين ازاي قدرتو تقولو كلام غلط وحكايات ماحصلتش ازاي سبتوا فرحتنا على جمب طيب هقولكم”.
وأضافت “عارفين يعني ايه بعد ما البس فستاني اقلعو ؟ بعد ما خلاص خطوة واحدة من ٤ سنين مستنياه تبوظ بسبب الناس اللي نقلت كلام غلط مش هقول الميديا الميديا طول عمرها كده وقبل ماشتغلها وأنا عارفة أنها كده نتكلم عن الناس الطبيعية ….. ازاي قدرتو تشمتو وتفرحو في وجع غيركم واللي يدعي واللي يضحك واللي يقول أحسن فهموني انتو بني ادمين؟.. بتخافو ربنا”.
وتابعت “طيب حتي لو نفرض وده فرضًا أن حد من الطرفين غلطان ليه الدعا عليه والحسبنه ليه اصله مش زرار هتقوم من النوم تدوس عليه فهتنسي العشرة والسنين وتقعد تدعي وتهين لا لا ابدا مهما حصل بتلاقي نفسك مش طايق كلمه وحشه على الطرف التاني ونفس الكلام للطرف الأخر”.
وواصلت مي “بعد الهيصة والزيطه مابيفضلش غير الحلو وبيبان الوحش بس كل اللي عايزه اقولو الشدة بتبين … في الأخر حبيت اخرج كلام جوايا من اللي شوفته اليومين اللي فاتو و والله والله مافرق معايا غير فرحتنا أنا وهو مش أنا بس اللي اتكسرت فستاني اللي قلعته بدلته اللي اتقلعت ومحدش فاهم حاجه أهالينا اللي زعلانين علينا”.
واستطردت حديثها قائلة “ماكنتش ناويه اتكلم بس كلام جوايا وكنت عاوزه اقولو محدش بيرضى في عشره عمره لو عامل فيه ايه مابيرضالوش الوحش ولا دعوة واحدة بالغلط عشان ماحدش كان عارف ايه اللي حصل معظم الناس أنا كنت هناك أنا كنت حاضر أنا كنت شاهد … كنت دعيت ربنا يهدي الدنيا ويجمعهم في الحلال بدل ما كنت حكيت اللي سمعته مش اللي شوفته إحساس صعب فرحه عمرك تتكسر قدامك بعد سنين مستنيها ساعتها ولا بيفرق شكل من كلام ناس من دنيا”.
واختتمت الإعلامية حديثها، قائلة “فرحه فستان بتاعة الراديو راجعه راجعه ان شاء الله هنحكي كل حاجه وهنقول كل حاجه بس في الوقت اللي احنا عايزينه مش اللي الناس عاوزاه…. نصيحه من قلبي لكل اتنين متجوزين عايزين يسيبوا بعض لكل اتنين مخطوبين لكل اتنين بيحبوا بعض “الحب مابيتبعش”، ولو ضيعتوه والله مابيجي تاني امسكوا فيه مهما حصل اكيد هنطلع ونتكلم بس ادونا شويه فرصة مع بعض بعيد عن الأضواء وعازوه دعوه حلوه لينا ارجوكم”.
